مريض السكر فى رمضان

بعض الكلمات الخفيفة و الهامة لمريض السكر

*ليس كل مرضى السكر مؤهلين لصيام رمضان كما ان ليس كل مرضى السكر يمثل الصيام خطر عليهم

*على مريض السكر ان يتابع نسبة السكر فى الدم عدة مرات اثناء الصيام(و بالتالى جهاز التحليل المفروض يكون عندك و شغال)

مريض السكر الصائم يجب ان يفطر فى الاحوال الاتية: 1- انخفضت نسبة السكر فى الدم اقل من 60 مجم/ديسل (يجب الافطار فوررررررررا و حتى لو فاضل على المغرب نصف ساعة) 2-انخفضت نسبة السكر فى الدم اقل من 70مجم/ديسل فى ساعات الصيام الاولى خصوصا لو كان المريض يستخدم انسيولين او دوانيل او اماريل او دايميكرون 3-ارتفعت نسبة السكر فى الدم اعلى من 300 اثناء الصيام مع وجود اعراض ارتفاع السكر

طبعا مصيبة سودة لو سكرك وطى او شعرت باعراض انخفاض السكر و قلت انام ساعتين لغاية المغرب لانك هتنام مش هتقوم

و متفتكرش نفسك شهيد لان الاسلام لم يقل لك ان تقتل نفسك بالصيام

و مصيبة اسود و مهببه و مطينه بطين لو اخدت انسيولين اثناء الصيام

عايز اقول ملاحظه هامة--الناس بيصعب عليها انها تفطر---------لو الصيام هيضرك يبقى الصيام حراااااااااااااااااااااااام-- و الى هيحدد هيضرك ام لا هو الطبيب لكن لو اذيت نفسك بالصيام فقد ارتكبت اثما

و لازم تروح للدكتور قبل رمضان لكى يعدل جرعات الادوية و مواعيد اخذها

متزعلش من اسلوبى انا بس عايزك تهتم

مرضى السكر الاعلى تعرضا للخطورة اثناء الصيام:

* الحوامل المصابات بالسكر

*مرضى السكر من النوع الاول

*تاريخ مرضى قبل رمضان بانخفاض السكر

* تاريخ مرضى قبل رمضان بارتفاع السكر و عدم انتظامه

طبعا مرضى القلب و الكلى و الاعصاب(جلطات و ما شابه) عايزين دكتور محترم يحدد اذا كان الصيام ينفعهم ام لا

لانك اثناء الصيام تفقد ماء و لزوجة الدم تزيد و بالتالى قابليته للتجلط اضف الى ذلك السكر --فلازم دكتور يشوفك

نيجى للاكل

طبعا و على عكس المتوقع رمضان هو شهر الاكل

و مريض السكر لما يخرج من رمضان وزنه زائد و سكره متبهدل طبعا شىء سىء

ملاحظات صغيره:

* مادمنا قلنا ان السكر ممنوع يبقى اكيد الحلويات اياها ممنوعة

* هل تعلم ان السعرات الحرارية فى الفاكهة المجففة(الزبيبب - التين المجفف - المشمش المجفف - و ربما التمر) اعلىىىىىىىىىى من السعرات الحرارية فى الفاكهة العادية ب 400%؟

يعنى حضرتك تاكل 10 حبات زبيب كأنك اكلت 40 حبة عنب - فحافظ على نفسك

الاكل

*كل كميات مناسبة من النشويات على الافطار(ليس المقصود بكميات انك تفترى)

*اضف خضراوات- زبادى - فاكهه لوجبتك(برضه مش تفترى خصوصا فى الفاكهه)

*ابتعد عن المشروبات المحتوية على سكر

* قلل من الدهون قدر المستطاع

و القاعدة تقول ان التوسط هو خير طريق

-- اخر السحور و اشرب ماء و تسحر سحور محترم بدون افترا

و ياريت تجرب نفسك يوم او اتنين قبل رمضان تشوف ايه نظامك و سكرك عامل ازاى لكى تعدل اى اختلال قد يحدث اثناء الصوم

نصائح لمريض السكر
http://www.diabetes.org.uk/Documents...amadan_Eng.pdf

و كل سنة و انت طيب